Tambirang

Selamat kepetangan semua...nahh ada lagi cerita!!

Pada satu hari di bandar ilo²(ingat jangan tanya) ada lah ni saturang tukang welding bisi mimang mega tambirang dia...kalau chip(site supervisor bah ni) dia lambat saja kasi sedia barang untuk dia kerja..habis bah!! chip pun dia report sama bos(manager lah ni kunun), padahal dia baru tukang welding saja..balik² suda ni chip kana marah bos pasal kana komplen sama ni tukang welding...krem suda utak dia mo layan ni tukang bisi..Tiba² pon si chip bebunyi...trettttt...tretttt...trettttt....

Chip: halo

Tukang Welding: Oiii...chip itu bisi yg sia suru ko oder mana suda oooo~ napa bulum sampai² ahhh!! apa mcm mo karaja kalo teda barang ooo~ ko ada oder kah teda ni!!..kalo mcm ni sia mo report sama bos lah ni!!(marah² mcm dia yg bos)

Chip: sia suda oder bah tu..tapi bulum lagi sampai lek lah bah, lagi pun sia suda kestau tu projek manager sama tu kilang bisi..tapi dia bilang bisuk, amacam jg kan??(panas suda si chip)

Tukang Welding: aikkkkk~ ko janji kamarin bisi sampai..trus ni hari ko cakap bisuk..nanti bisuk ko bilang lusa..amacam bah kamurang karaja ni..kalo mcm ni sia yg susah ooo~ bla3x(byk lah dia cakap sampai dia maki² tu chip)

Chip: oii..ko marah² sia kenapa oo..sia ni chip ko bah..kalo sia bilang sia suda oder..suda oder lah...nah kalo ko pintar ko call ni numbur 0167122222...ni urang lah yg atur ni bisi capat sampai kah tida..ko marah dia kaw² kiii~

Tukang Welding: Okay nanti sia call!! semua kamu tida buli harap bagus sia yg jadi boss kamu!!!(trus dia tutup bogia tu pon)

Chip: Hahahahahaha...(katawa penjahat) abis lah ko ni kali..ko call lah tu numbur big bos(General Manager) tambirang butul mo bisi kan..tinguklah kijap lagi makan bisi lah ko ni...

hahahaha...siuk bah bahasa sabah