Selipar

Halooooo..Selamat kepagian yg mega panas...sia kasi kamurang cerita kii..tapi ni cerita bikin gastrik utak kama ni...sepa yg pakai gigi palsu bagus buka sebelum baca ni cerita takut nanti tatalan heran tu duktur...haha

Okay gini cerita dia ni...Pada satu hari di rumah sakit jiwa ilo² ada saturang Duktur (Duktur Yeye) sadang round tinguk² pasakit dia..sadang dia round², tiba² dia nampak pasakit fevret dia si Ben sadang tarik² tu selipar jipun buruk trip² tu selipar mcm anjing piara kunun....jadi Duktur Yeye pun mo test lah kunun Si Ben ni:

Duktur Yeye: Ben sini gia....

Ben: Apa lagi ko panggil sia ni Duk...urang mo lelek² pun tia buli..

Duktur Yeye: Bukan apa sia mo tanya jak bah..apa kabar anjing ko? ko bawa jln² kah anjing ko tu?

Ben: Duk! ko gila kah sia yg gila ni?! ko tida pandai besa anjing sama selipar jipun kah?? ini bkn anjing lah...ini selipar..selipar faham....megaaa jg ko ni..

Duktur Yeye: Lawa lah Ben...inda lama ko buli keluar suda...bagus lah sihat suda ko sia tinguk....

Jadi Duktur Yeye pun gembira lah trus dia balik office mo buat report pasal si Ben...salapas jak tu Duktur jalan kasi tinggal si Ben..trus cepat² si ben tangkap tu selipar dan trus dia bisik tu selipar:

Ben: Siou noh Blacky...jan ko sakit hati k sia panggil ko selipar..tapi yg penting kita suda berjaya tipu Duktur Yeye...buli tahan ko Blacky pandai jg ko menyamar jadi selipar...Ha...ha..ha..(katawa penjahat bekman)

Moral: Jan pakai sansut tabalik..hahaha

Siuk bah bahasa Sabah!!!

Palakun sia: Chad Michael Michaels & Nama Saya Ben