Mega Pintar

Haluuu...SBBS ni hari punya cerita pindik ja..malas mo type..harap kamurang ketawa, walaupun pindik tapi siuk...haha

Pada satu pagi di kampung ilo² jaya(touuu) ada lah ni budak nama dia yeye, jadi mami dia pun suruh lah pigi kadai...

Mami: Yeeee!! sini gia kau~

Yeye: Apa tu mami..sia main game pun tida sinang ooo!!

Mami: Jan ko betabiat sana..cuba ko tulung mami pigi kadai pakis dulu gia..bule kah bule??

Yeye: Okay bah kalo ko mami...ada duit peluh kah??

Mami: Duit paluh..duit paluh..sia sigung muka ko sana, tu jak ko tau...!! ni nah duit...ko bili susu junjung 1 tin k..emmm..lapas tu ko check ada talur kah teda, kalo ada ko bili 6 k...

Yeye: Okay mami..(trus dia lari p kadai pakis)

(15 minit kemudian)

Yeye: Mami nahhhhh...kurang 1 ringgit dia bilang tu pakis!! apa ni bagi duit pun tida cukup..amacam ko ni mami??!!

Mami: Aikk...yeee!!! napa ko bili byk butul susu junjung ni!!

Yeye: Tadi mami bilang kalo ada talur bili 6 kan...jadi sia sampai jak sana kadai pakis trus sia tinguk ada talur, jadi apa lagi sia bili lah 6 tin susu junjung..

Mami: ......??????(Dlm hati dia cakap "sittttt...ni budak pintar kah budu ni ahhh")

hahaha...siuk bah bahasa sabah!!

Palakun sia 
Yeye - Chad Michael Michaels
Mami - Joyce N Enzo