Sultan ilo²

Selamat Kepagian SBBS masa utk sia post cerita lawak Sabah..Sia harap kamurang dapat ketawa² sambil shaffol berpagar..haha

Pada satu hari ada lah ni saturang Sultan dari negara ilo²(sekali lagi jan kamurang tanya sia mana ni, sia pun tia tau) dtg utk melawat Sabah, jadi dia tanya lah bodyguard dia mana pulau siuk mo pigi sini Sabah, jadi bodygurad dia pun kestau lah sana pulau tiga pun siuk..jadi durang pun pigi lah tu pulau tiga, sampai jak tu Sultan di pulau trus dia kesiukan inda sabar² dia mo main jetski..jadi bodyguard dia kasi sedia lah 3 jetski utk durang main...tiba²:

Sultan: Ui..ui..apa kamurang buat ni?!

Bodyguard: Ampun tuan ku...siurang mo kasi kawan ko main jetski
Sultan: Hei!! tosa kamurang sibuk sana!! ni kali biar sia saturang jak main jetski paham!!?
Bodyguard: Ampun tuan ku..beribu-juta ampun tuan ku...

Jadi apa lagi ni sultan mcm urang tagas trus dia main tu jetski sampai tu bodyguard dia pun inda nampak mana dia pigi..tiba² rusak jetski dia di tanga² laut lagi tu bodyguard dia pun inda nampak dia pasal telampau jauh...selapas beberapa jam dia pun haus..tunggu² kana kasi selamat inda pandai dtg². tiba² limpaslah saturang nelayan..

Sultan: asi..asi..(dia lambai² tangan dia minta tulung)
Nelayan: yes bos..kenapa gia tu ko panggil² sia...(sambil dia dayung perau dia dakat tu sultan)
Sultan: siou asi jetski sia rusak bogia ni jd sia kira mo minta tulung ko..bule kah bule?
Nelayan: teda hal baitu..Okay bah kalo ko~
Sultan: sia haus baini, ada ko punya air kah? buli sia minta sikit?(apa tida haus bejam-jam bajamur di matahari)
Nelayan: ala~ bos air sia teda, tapi tiger bior sia ada lah...sajuk² lagi ni..mcm?
Sultan: Aturrr~ ( trus dia one go satu tin pasal mega suda haus dia bah, tapi inda cukup kasi hilang haus dia trus dia on go lagi satu tin, jadi 2 tin lah tu kan)

Sultan: ahhhhhh~ punya sadap asi hilang trus haus sia...sia mo tanya ko asi ko kanal kah sepa sia ni.
Nelayan: siou kii bos sia inda kanal baru fost time dia sia jumpa ko ni..
Sultan: sia kestau ko lah asi..sia ni 'Sultan ilo²'
Nelayan: ko ni bos...baaaru dua tin suda mengaku sultan!!! sia minum satu kutak suda masi jg nelayan!!
Sultan:...................??